ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ინფექციურში სამართალდამცველია მოთავსებული, რომელიც საავადმყოფოში, სავარაუდოდ, აეროპორტიდან შეიყვანეს.

როგორც ეზუგბაიამ ჟურნალისტებს განუცხადა, ქალს ტემპერატურა აქვს.

„დეტალებს ვერ მოგიყვებით. პაციენტი ახალი შემოსულია. ჩვენთვის ცნობილია, რომ ამ წუთში ტემპერატურა აქვს და რესპირაციული მოვლენები, სურდო, ხველა, ყელის ტკივილი, აღებულია პირველად კვლევები და გაუკეთდება რენტგენი“, - განაცხადა ეზუგბაიამ.

ცნობისთვის, 26 თებერვალს, საქართველოში კორონავირუსის პირველი შემთხვევა დაფიქსირდა. ინფექცია 50 წლის მამაკაცს დაუდასტურდა, რომელიც ქვეყანაში ირანიდან აზერბაიჯანის გავლით შემოვიდა.

იხილეთ ვიდეო: ინფექციურ საავადმყოფოში აეროპორტიდან მესაზღვრე შეიყვანეს