კავკასიის უნივერსიტეტის დელეგაცია, რომელიც თბილისში გუშინ დაბრუნდა, 2-კვირიან კარანტინს გაივლის.

როგორც „ინტერპრესნიუსს“ კავკასიის უნივერსიტეტის პრესსამსახურში განუცხადეს, 15-კაციანი დელეგაცია საქართველოში ირანიდან ბაქოს გავლით ჩამოვიდა. პრესსამსახურის ინფორმაციით, მათ აეროპორტში შემოწმება გაიარეს და ინფიცირების ნიშნები, მათ შორის არც ტემპერატურა არ დაუდგინდათ. ამის მიუხედავად, დელეგაციის 5 წევრი კარანტინს აბასთუმანში გაივლის, ხოლო 10 მათგანი - საკუთარ სახლში. მათზე დაკვირვება 14 დღის განმავლობაში განხორციელდება.