გრიგოლ ვაშაძე - “ქართული ოცნება” შერბილდა და სწორი მიმართულებისკენ დაიძრა

საუბარში “ქართული ოცნება” შერბილდა და სწორი მიმართულებისკენ დაიძრა , - ამის შესახებ პარტია “ნაციონალური მოძრაობის” თავმჯდომარე გრიგოლ ვაშაძემ ჟურნალისტებს გერმანიის ელჩის რეზიდენციასთან განუცხადა.

მისი თქმით, ოპოზიცია არანაირ წინადადებას არ დათანხმდება, ვიდრე პოლიტიკურ პატიმრებს არ გაათავისუფლებენ.

“ეს არის არაფორმალური შეხვედრები, არავითარი ოფიციალური წინადადება არ გაკეთებულა, რომც გაკეთებულიყო, ჯერჯერობით, არავის მიუღია. მნიშვნელოვანი საკითხი არის ის, რომ ამ მონეტას ძველებურად ორი მხარე აქვს - პოლიტპატიმრების გარეშე ლაპარაკი არაფერზე არ შედგება, არავითარი წინადადება გაკეთებული არ მიიღება და თუ ციხიდან არ გამოვა ის ხალხი, რომლებიც შეთითხნილი ბრალდებებით იქ სხედან და ის ხალხი, რომლებზეც საქმეებია წარმოებული, ეს საქმეები არ შეწყდება, არავითარი შეთანხმება არ შედგება... საუბარში “ქართული ოცნება” შერბილდა და დაიძრა სწორი მიმართულებისკენ. მოვასწრებთ იმ დანიშნულების წერტილამდე მისვლას, რომელსაც ჰქვია პროპორციული არჩევნები და პოლიტიკური დევნის შეწყვეტა თუ ვერ მოვასწრებთ, რამდენიმე დღე დარჩა და ვნახავთ”, - განაცხადა ვაშაძემ.

ცნობისთვის, გერმანიის ელჩის რეზიდენციაში მმართველი გუნდის, ოპოზიციისა და დიპლომატების არაფორმალური შეხვედრა მიმდინარეობს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით