“ახალი საქართველოს” ლიდერის, გიორგი ვაშაძის განცხადებით, მმართველმა გუნდმა ოპოზიციას 110/40-ზე რომც შესთავაზოს, მაინც მიუღებელი იქნება.

როგორც ვაშაძემ ჟურნალისტებს გერმანიის ელჩის რეზიდენციასთან განუცხადა, ელჩთან არაფორმალური ვახშამია და კონკრეტული გადაწყვეტილების მიღების მოლოდინი არ აქვს.

“შეხვედრა არის არაფორმალურ გარემოში, როცა გერმანიის ელჩი ვახშამზე გიწვევს, ვალდებული ხარ, მიხვიდე, ეს არის პასუხისმგებლობა ჩვენი პოლიტიკური. რაც შეეხება 110/40-ზე მისაღებია თუ არა, რომც იყოს ასეთი შემოთავაზება, მაინც არ არის მისაღები, რადგან ეს არ არის მნიშვნელოვანწილად პროპორციული მისწრაფების არჩევნები. რაც შეეხება ჩვენს პოზიციას, ორი საკითხია - პოლიტიკური პატიმრები, პოლიტიკური დევნა და საარჩევნო სისტემა. საარჩევნო სისტემა უნდა იყოს ისეთი, რომ მაქსიმალურად უნდა ითვალისწინებდეს პროპორციულ მისწრაფებას”, - განაცხდა ვაშაძემ.

გერმანიის ელჩის რეზიდენციაში მმართველი გუნდის, ოპოზიციისა და დიპლომატების არაფორმალური შეხვედრა მიმდინარეობს.