ლაგოდეხის საბაჟო გამშვები პუნქტიდან, საქართველოს ერთი მოქალაქე ინფექციურ საავადმყოფოში გადაჰყავთ. ამის შესახებ "ინტერპრესნიუსს" კახეთის საზოგადოებრივი ჯანდაცვის ცენტრის ხელმძღვანელმა განუცხადა.

ნელი ხიზანიშვილის თქმით, ქალს ვირუსის დამახასიათებელი სიმპტომები არ აღმოაჩნდა, თუმცა ის იმყოფებოდა ირანში. საინკუბაციო პერიოდის გასვლამდე ქალს ბოქსირებულ პალატაში დააკვირდებიან.

დღეს ასევე, აზერბაიჯანი -ლაგოდეხის საზღვრის კვეთისას მაღალი ტემპერატურა დაუფიქსირდა ერთ მოქალაქეს, რომელსაც ქვეყანაში შემოსვლის უფლება არ მისცეს.