ეროვნული სასწავლო ოლიმპიადის დასკვნითი ტური დაიწყო

ეროვნული სასწავლო ოლიმპიადის მესამე დასკვნითი ტური 29 თებერვალს დაიწყო და 22 მარტს დასრულდება. ამის შესახებ „ინტერპრესნიუსს“ შეფასებისა და გამოცდების ეროვნული ცენტრიდან აცნობეს.

მათი ინფორმაციით, ოლიმპიადის მიმდინარეობას შეფასებისა და გამოცდების ეროვნული ცენტრის დირექტორი სოფიო გორგოძე ადგილზე გაეცნო.

ოლიმპიადის მესამე ტურში საუკეთესო შედეგის მქონე მინიმუმ 50 მოსწავლე თითოეული საგნის შესაბამისად მონაწილეობს.

ოლიმპიადა შემდეგ საგნებში ტარდება: ქართული ენა და ლიტერატურა, ქართული ენა და ლიტერატურა არაქართულენოვანი სკოლების მოსწავლეებისათვის, მათემატიკა, ისტორია, გეოგრაფია, ფიზიკა, ქიმია, ბიოლოგია, უცხოური ენა.

ოლიმპიადის გამარჯვებულია მონაწილე, რომელიც ტესტის მაქსიმალური ქულის არანაკლებ 60%-ს დააგროვებს და ამასთან ერთად, მოხვდება რეიტინგული სიის პირველ 10 მოსწავლეს შორის. გამარჯვებულებს სიგელები და ჯილდოები გადაეცემათ.

შეგახსენებთ, რომ ეროვნული პირველი ტური შეფასებისა და გამოცდების ეროვნული ცენტრის მიერ მიწოდებული მასალებით უშუალოდ სკოლებმა ჩაატარეს. მომდევნო ტურებს კი ადმინისტრირებას შეფასებისა და გამოცდების ეროვნული ცენტრი უწევს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით