ჯანდაცვის სამინისტრო კოორდინაციაშია ყველა უწყებასთან. ჩვენ მზად ვართ, რომ ყველა პროცესი ვმართოთ, - ამის შესახებ ჯანდაცვის მინისტრმა ეკატერინე ტიკარაძემ განაცხადა. მინისტრი მადლობას უხდის იმ ადამიანებს, რომლებიც კარანტინს და თვითიზოლაციას გადიან.

„ჯანდაცვის სამინისტრო კოორდინაციაშია ყველა უწყებასთან. ჩვენ მზად ვართ, რომ ყველა პროცესი ვმართოთ და გავუწიოთ რეკომენდაციები. ამ ეტაპზე, 130-მდე მგზავრი იმყოფება კარანტინის რეჟიმში. მინდა, მათ მადლობა გადავუხადო მაღალი სოციალური პასუხისმგებლობისთვის და ჯანდაცვის მსოფლიო ორგანიზაციის რეკომენდაციების გათვალისწინებისთვის.

ასევე, მინდა მადლობა გადავუხადო იმ მგზავრებს, რომლებიც სამომავლოდ იქნებიან იდენტიფიცირებულები და გამოხატავენ ნებას, რომ საკუთარი თავის თვითიზოლაცია მოახდინონ და ასევე მოთავსდნენ კარანტინში,“ - განაცხადა ტიკარაძემ.