თურქეთმა სირიაში ოპერაცია „გაზაფხულის ფარი“ დაიწყო

თურქეთის ეროვნული თავდაცვის მინისტრმა ხულუსი აქარმა 1-ელ მარტს სირიის ჩრდილო-დასავლეთში სამხედრო ოპერაცია „გაზაფხულის ფარის“ ჩატარების შესახებ განაცხადა. ამის შესახებ თურქული მედია იუწყება.

მინისტრის თქმით, ოპერაცია დაიწყეს იმ ავიადარტყმის საპასუხოდ, რომელიც 27 თებერვალს თურქი სამხედროების პოზიციებზე განხორციელდა და 36 თურქი სამხედროს სიცოცხლე იმსხვერპლა.

„თურქეთს არ გააჩნია რუსეთთან და სირიასთან დაპირისპირების მიზანი. ჩვენი ამოცანაა - ბაშარ ასადის რეჟიმის დანაშაულებათა შეჩერება, რადიკალიზაციის აღმოფხვრა და მიგრაციის თავიდან აცილება. თურქეთის შეიარაღებული ძალები ეფუძნება თავდაცვის უფლებას. ჩვენი სამიზნეები არიან მხოლოდ ასადის მომხრეები, რომლებიც თავს ესხმიან თურქ სამხედროებს“, - განაცხადა ხულუს აქარმა.

მისი თქმით, ოპერაციის დაწყებიდან თურქეთმა გაანადგურა უპილოტო საფრენი აპარატი, 8 ვერტმფრენი, 103 ტანკი, 72 საარტილერიო დანადგარი, სამი ჰაერსაწინააღმდეგო სისტემა, განეიტრალებულია სირიის რეჟიმის 2212 სამხედრო მოსამსახურე.

„თავდაცვის უფლებაზე დაყრდნობით, თურქეთი ძლიერ დარტყმებს განახორციელებს ჯარების განლაგებაზე, კერძოდ, სადამკვირვებლო პუნქტების რაიონში. ამაში ეჭვი არავის უნდა შეეპაროს! თურქეთი ელის რუსეთისგან ყველა ბერკეტის ამოქმედებას ბაშარ ასადის რეჟიმზე ზემოქმედებისთვის, რათა შეწყვიტოს თავდასხმები და ასადმა გაიყვანოს ძალები სოჭის ხელშეკრეულებაში აღნიშნული ზონების მიღმა“ ,- განაცხადა თურქეთის თავდაცვის მინისტრმა.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა