„საერთაშორისო გამჭვირვალობა - საქართველო” - დეპუტატმა ანზორ ბოლქვაძემ დეკლარაციაში ოჯახის საკუთრებაში არსებული 4 ქონება და სამეწარმეო საქმიანობაში მონაწილეობის ფაქტები არ მიუთითა

არასამთავრობო ორგანიზაცია „საერთაშორისო გამჭვირვალობა - საქართველოს” ინფორმაციით, ხულოს, შუახევისა და ქედის მაჟორიტარი დეპუტატმა, ანზორ ბოლქვაძემ დეკლარაციაში ოჯახის საკუთრებაში არსებული 4 ქონება და სამეწარმეო საქმიანობაში მონაწილეობის 7 ფაქტი არ მიუთით, რაც კანონმდებლობის დარღვევაა.

„საერთაშორისო გამჭვირვალობა - საქართველომ” ანზორ ბოლქვაძის დეკლარაცია, მისი ოჯახის წევრების ქონება და სამეწარმეო საქმიანობა გამოიკვლია. დადგინდა, რომ ანზორ ბოლქვაძე 2017 წლიდან რეგისტრირებული შპს გოდერძი დეველოპმენტის” 50% წილის მფლობელია. დეპუტატს წილის მართვა სხვა პირისთვის მინდობით არ გადაუცია, რაც კანონდარღვევას წარმოადგენს. კანონდარღვევაა ისიც, რომ დეპუტატს აღნიშნული სამეწარმეო საქმიანობა დეკლარირებული არ აქვს.

ანზორ ბოლქვაძის ქონებრივ დეკლარაციაში ასევე არ არის მითითებული შვილის, ნოდარ ბოლქვაძის სამეწარმეო საქმიანობა, რომელიც 2017 წელს რეგისტრირებული შპს „გადახურვის სერვისის” და 2012 წელს რეგისტრირებული შპს „Replay Tbilisi”-ს 100% წილის მფლობელი და დირექტორია.

ასევე, სამეწარმეო საქმიანობასთან ერთად, ანზორ ბოლქვაძეს 2019 წლის დეკლარაციაში მითითებული არ აქვს მეუღლის, თინა ბოლქვაძის ოთხი უძრავი ქონება, საიდანაც ორის მესაკუთრე მაჟორიტარის მეუღლე ჩუქების საფუძველზე გახდა.

„საერთაშორისო გამჭვირვალობა - საქართველო” მოუწოდებს საჯარო სამსახურის ბიუროს, მოკვლეული ინფორმაციის საფუძველზე მოახდინოს კანონით გათვალისწინებული რეაგირება.

ვრცლად „საერთაშორისო გამჭვირვალობა - საქართველოს” კვლევა იხილეთ ბმულზე.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით