თენგიზ ცერცვაძის განცხადებით, ამჟამად ინფექციურ საავადმყოფოში 35 პაციენტია მოთავსებული, მათგან 16 ახალია

ინფექციური საავადმყოფოს გენერალური დირექტორის, თენგიზ ცერცვაძის განცხადებით, ამჟამად საავადმყოფოში 35 პაციენტია მოთავსებული, მათ შორის 16 ახალი. ცერცვაძის განმარტებით, ყველა მათგანს ანალიზები აუღეს და პასუხები დღის ბოლოს გახდება ცნობილი.

ამასთან, მისივე თქმით, კორონავირუსით ინფიცირებული სამივე პაციენტის მდგომარეობა მსუბუქია, თუმცა ისინი ექიმების მუდმივი დაკვირვების ქვეშ არიან, რათა მდგომარეობა არ გართულდეს.

„დღეისთვის ინფექციურ საავადმყოფოში სულ 35 პაციენტი წევს, მათგან 16 ახალი პაციენტია. მათზე აღებულია ცხვირ-ხახიდან ნაცხი და გაგზავნილია გამოსაკვლევად. პასუხები დღის ბოლოს იქნება. ასევე იყო 20 გუშინდელი პაციენტი, რომელთა მასალაც გუშინ გამოსაკვლევად იყო გაგზავნილი. ყველა მათგანი უარყოფითია. ამ 20 უარყოფითი შედეგიდან, 10-მა პაციენტმა ჩვენი კლინიკა უკვე დატოვა და საკარანტინო სივრცეში არიან გადაყვანილი. 10 ჩვენთან რჩება, მაგრამ ისინიც საკარანტინო სივრცეშიც იქნებიან გადაყვანილი.

კვლავინდებურად 3 ინფიცირებული გვყავს. ერთი მათგანის მდგომარეობა კვალიფიცირდება, როგორც უსიმპტომო, ვინაიდან აბსოლუტურად არავითარი სიმპტომი არ აქვს. ხოლო ორი პაციენტის მდგომარეობა კვალიფიცირდება, როგორც მსუბუქი, ვინაიდან მათ აქვთ ტემპერატურის მატება 37-37.1 და მცირე ხველა. ამ ეტაპზე ისინი არ საჭიროებენ რაიმე ინტენსიურ სამკურნალო ღონისძიებებს, მხოლოდ დაკვირვების ქვეშ იმყოფებიან. ეს აუცილებელია იმიტომ, რომ უკვე მსოფლიოში არსებული პრაქტიკით, ასეთი მსუბუქი დასაწყისის შემთხვევაში, უახლოესი ერთი კვირის ან 10 დღის მანძილზე შესაძლებელია მოხდეს დამძიმება, მათ შორის სერიოზულ, კრიტიკულ მდგომარეობამდე. ამიტომ, ეს რომ არ მოხდეს, პაციენტები დაკვირვების ქვეშ იმყოფებიან“,-განაცხადა ცერცვაძემ.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა