რუსთავის საქალაქო სასამართლოში, კორონავირუსის გავრცელების პრევენციის მიზნით, სადეზინფექციო სამუშაოები ჩატარდა.

რუსთავის საქალაქო სასამართლოს ინფორმაციით, სპეციალური სადეზინფექციო ხსნარით დამუშავდა სასამართლოს საჯარო სივრცეები: ფოიე, სასამართლოს მისაღები, კორიდორები, სხდომათა დარბაზები და სასამართლოს დროებითი მოთავსების საკნები.

მათივე ინფორმაციით, სადეზინფექციო სამუშაოები დაავადებათა კონტროლისა და საზოგადოებრივი ჯანმრთელობის ეროვნული ცენტრის რეკომენდაციის საფუძველზე განხორციელდა.