ირაკლი კობახიძე გიგი უგულავაზე - ადამიანი, რომელიც 48 მილიონს იპარავს, არათუ პოლიტიკური ნიშნით დაკავებულად, არამედ პოლიტიკურ ჭრილში საერთოდ არ უნდა განიხილებოდეს

ადამიანი, რომელიც 48 მილიონს იპარავს არათუ პოლიტიკური ნიშნით დაკავებულად, არამედ პოლიტიკურ ჭრილში საერთოდ არ უნდა განიხილებოდეს, - ამის შესახებ საქართველოს პარლამენტის უმრავლესობის წევრმა, პარტია „ქართული ოცნება - დემოკრატიული საქართველოს“ აღმასრულებელმა მდივანმა ირაკლი კობახიძემ „პალიტრანიუსის“ ეთერში, გადაცემაში „360 გრადუსი“ განაცხადა. ამით კობახიძე „ევროპული საქართველოს“ ერთ-ერთი ლიდერის გიგი უგულავას პატიმრობას გამოეხმაურა.

კობახიძის თქმით, ეს არის ევროპული და ამერიკული სტანდარტი, რომლის დამკვიდრებაც საქართველოში უნდა მოხდეს.

„ადამიანი, რომელიც 48 მილიონს იპარავს, არათუ პოლიტიკური ნიშნით დაკავებულად, არამედ პოლიტიკურ ჭრილში საერთოდ არ უნდა განიხილებოდეს. ეს არის ევროპული და ამერიკული, დასავლური სტანდარტი. ეს სტანდარტი უნდა დავამკვიდროთ ჩვენ საქართველოში და ბუნებრივია ამაზე გვექნება კომუნიკაცია, მათ შორის, საერთაშორისო პარტნიორებთან“, - განაცხადა ირაკლი კობახიძემ.