კორონავირუსის გავრცელების პრევენციის მიზნით, პარლამენტი მოქალაქეთა განცხადებებსა და ოფიციალურ კორესპონდენციას ახალი წესით მიიღებს​

ახალი კორონავირუსის შესაძლო გავრცელების თავიდან არიდების მიზნით, საქართველოს პარლამენტი მოქალაქეთა განცხადებებსა და ოფიციალურ კორესპონდენციას ახალი წესით მიიღებს. კერძოდ, მოქალაქეთა განცხადებების მიღება პარლამენტის სასახლეში განთავსებული სპეციალური საფოსტო ყუთის მეშვეობით იქნება შესაძლებელი.

როგორც "ინტერპრესნიუსს" პარლამენტის პრესსამსახურიდან აცნობეს, ყუთი უსაფრთხო წესით დღის განმავლობაში რამდენჯერმე გაიხსნება და დოკუმენტები ადრესატებს გადაეცემათ.

გარდა ამისა, საქართველოს პარლამენტი მოქალაქეებს მოუწოდებს, განსაკუთრებული აუცილებლობის გარდა, თავი შეიკავონ პარლამენტის სასახლეში მისვლისგან.

"დოკუმენტების გაგზავნა შესაძლებელია აგრეთვე ელექტრონულად, ელფოსტის მისამართზე: contact@parliament.ge . ასევე ფოსტით, მისამართზე: თბილისი, რუსთაველის გამზირი 8, ინდექსი − 0118. დამატებითი ინფორმაციისათვის გთხოვთ დაგვიკავშირდეთ ტელეფონის ნომერზე: 032 2 28 26 24. საქართველოს პარლამენტი მოგიწოდებთ, განსაკუთრებული აუცილებლობის გარდა, თავი შეიკავოთ პარლამენტის სასახლეში მოსვლისგან, რათა ახალი კორონავირუსის გავრცელების თავიდან არიდების მიზნით, მაქსიმალურად შეიზღუდოს ადამიანებს შორის უშუალო კონტაქტი ვითარების სტაბილიზაციამდე ", - ნათქვამია ინფორმაციაში.​

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა