შვეიცარიის ხელისუფლებამ 19 აპრილამდე ქვეყანაში საგანგებო მდგომარეობა შემოიღო. ამის შესახებ ქვეყნის პრეზიდენტმა სიმონეტა სომარუგიმ განაცხადა.

„აუცილებელია მტკიცე პასუხი გაეცეს კორონავირუსის გავრცელებას მთელ ქვეყანაში და ამის გაკეთება ახლაა საჭირო“ , - განაცხადა პრეზიდენტმა პრესკონფერენციაზე.

ამ დროისთვის, ქვეყანაში ყველა საჯარო და კერძო ღონისძიება გადაიდო. იგეგმება, ასევე, ყველა რესტორნისა და მაღაზიის დაკეტვა, რომლებსაც მოსახლეობისთვის გადამწყვეტი მნიშვნელობა არ გააჩნია. წესდება კონტროლი მეზობელ ქვეყნებთან საზღვრებზე - გერმანიასთან, საფრანგეთთან და ავსტრიასთან. მანამდე ასეთი კონტროლი მხოლოდ იტალიასთან იყო დაწესებული.

გამონაკლისია დაშვებული საყოფაცხოვრებო პროდუქტების მაღაზიებისა და აფთიაქებისთვის.