ჯანდაცვის მინისტრის ინფორმაციით, ლუგარის ლაბორატორიის გარდა, კორონავირუსზე კვლევის ჩატარება თბილისში, კიდევ ერთ ლოკაციაზე იგეგმება

ჯანდაცვის მინისტრის ეკატერინე ტიკარაძის ინფორმაციით, ლუგარის ლაბორატორიის გარდა, კორონავირუსის ინფექციაზე კვლევების ჩატარება, თბილისში, კიდევ ერთ ლოკაციაზე, ბორჯომის ქუჩაზე მდებარე ლაბორატორიაში და ასევე ქუთასისსა და ბათუმშიც იგეგმება. ამის შესახებ ტიკარაძემ ჟურნალისტებს განუცხადა.

გარდა ამისა, მისივე თქმით, გამკაცრებული პრევენციული ღონისძიებების ზუსტად და ხარისხობრივად შესრულება არის მნიშვნელოვანი.

„25 იანვარს, როცა ჩვენ მივიღეთ გადაწყვეტილება, რომ ფრენები უნდა შეგვეჩერებინა ჩინეთის მიმართულებით, მაშინაც არ ყოფილა რეალური საფრთხე. ჩვენ მიგვაჩნია, რომ წინასწარ გადადგმული ყველა პრევენციული ღონისძიება, იძლევა იმ ეფექტურ შედეგს, რომელიც დღეს გვაქვს. რელურად საფრთხედ შეიძლება ჩაითვალოს ის 34 პაციენტი, რომელიც ჩვენ გვყავს, ის დაფიქსირებული სტატისტიკა, რომელიც ჩვენ გვაქვს. აქედან გამომდინარე, მიგვაჩნია, ის გამკაცრებული ღონისძიებები და ამ ღონისძიებების ხარისხობრივად შესრულება არის ძალიან მნიშვნელოვანი ჩვენი მოქალაქეების ჯანმრთელობის დასაცავად," - განაცხადა ტიკარაძემ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია