ბათუმის ინფექციურ საავადმყოფოში ვირუსის ნიშნებით კარანტინიდან ორი პირი შეიყვანეს
ბათუმის ინფექციური საავადმყოფოს ბოქსირებულ განყოფილებაში მყოფი ორი მოქალაქე კორონავირუსის კვლევის შედეგებს ელოდება.
როგორც ბათუმის ინფექციურ საავადმყოფოში აცხადებენ, ორი მოქალაქე კარანტინიდან შეიყვანეს, მათ ტემპერატურა აღენიშნებათ.
ექიმის, დავით მურვანიძის თქმით, კვლევის შედეგები დღეს გახდება ცნობილი.
ცნობისთვის, ბათუმის ინფექციური საავადმყოფოს ბოქსირებულ განყოფილებაში ერთი ადამიანი იმყოფება, მას კორონავირუსი რამდენიმე დღის წინ დაუდასტურდა. მოქალაქეს რისკ-ქვეყანაში მოგზაურობის ისტორია აქვს. მისი ჯანმრთელობის მდგომარეობა დამაკმაყოფილებელია.
აჭარაში საკარანტინო სივრცეში ამ დროისთვის 300 -ზე მეტი ადამიანია, თვითიზოლაციაში კი 100-ზე მეტი პირია გადასული.
