ჯანდაცვის მინისტრი - ახალი კორონავირუსის წინააღმდეგ ბრძოლის პროცესში მოხალისეების ჩართულობა ამ ეტაპისთვის შეიძლება იყოს სარისკო

ახალი კორონავირუსის წინააღმდეგ ბრძოლის პროცესში მოხალისეების ჩართულობა ამ ეტაპისთვის შეიძლება იყოს სარისკო, - ამის შესახებ ჯანდაცვის მინისტრმა ეკატერინე ტიკარაძემ კორონავირუსთან დაკავშირებით შექმნილი საკოორდინაციო საბჭოს დასრულების შემდეგ განაცხადა.

მინისტრის განმარტებით, მათ პირველ რიგში უნდა იზრუნონ, რომ მოხალისეებს მიაწოდონ შესაბამისი ინფორმაცია, რათა მათი გადაადგილება იყოს უსაფრთხო.

„ძალიან მნიშვნელოვანია, რომ მოხალისეებს ჰქონდეთ ჩატარებული შესაბამისი ინსტრუქტაჟი. ამ ეტაპისთვის მოხალისეების ჩართულობა შეიძლება იყოს სარისკო, ვინაიდან მათ არ აქვთ გავლილი ეს რეკომენდაციები. ჩვენ, პირველ რიგში, ვიზრუნებთ, რომ მათ მიიღონ შესაბამისი ინფორმაცია, თუ როგორ უნდა იყოს მათი გადაადგილება უსაფრთხო, ხოლი ამის შემდეგ, უკვე კონტროლირებადი იქნება ჩვენთვის, თუ რას გააკეთებენ, ამ შემთხვევაში ჩვენ მივიღებთ გადაწყვეტილებას და ისინი იქნებიან სპეციალურ რგოლებთან მიბმულები,“- განაცხადა ეკატერინე ტიკარაძემ.

მან ამასთანავე აღნიშნა, რომ ჯანდაცვის სამინისტროში შექმნილია ბაზა, რომელიც მოიცავს ქრონიკული დაავადების მქონე პაციენტებისა და პენსიონერების სიას და მისი თქმით, საქართველოს ფოსტა სახელმწიფოსთან ერთად ჩაერთვება ამ ადამიანების დახმარების პროცესში.

„ჯანდაცვის სამინისტროში ჩვენ გვაქვს ბაზა, რომელიც მოიცავს ქრონიკული დაავადებების მქონე პაციენტების, ჩვენი მოქალაქეების სიას, ასევე იმ პენსიონერების სიას, რომლებიც არიან მარტოხელები და რომლებიც იმყოფებიან მაღალ რისკ ჯგუფში. მიღებული იქნა გუშინ გადაწყვეტილება, რომ საქართველოს ფოსტა ინტენსიურად ჩაერთვება სახელმწიფოსთან ერთად ყოველივე ამის აღსრულებაში. დღეს პირველ საათზე სამინისტროში გვექნება დეტალური შეხვედრა და განხიავა, თუ როგორი სქემით მოხდება ამ ადამიანებთან დაკავშირება და შემდეგ მათი ჩვენთან უკუკავშირი და რა ფორმატში იმუშავებს საქართველოს ფოსტა უკვე მთავრობის დავალებით, ჩვენი მოქალაქეების უსაფრთხოებისთვის,“ - განაცხადა ეკატერინე ტიკარაძემ.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ქართული პრესის მიმოხილვა 29.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო