ირანის პრეზიდენტის, ჰასან როუჰანის ბრძანების მიხედვით ქვეყანაში 15 დღის განმავლობაში ყველა სავაჭრო ცენტრი და მაღაზია დაიხურება, აფთიაქებისა და სასურსათო მაღაზიების გარდა.
ბრძანება პარასკევს შევა ძალაში, როდესაც ირანი ახალი წლის პირველ დღეს აღნიშნავს.
ირანის ჯანდაცვის სამინისტრომ ხუთშაბათს გამოაცხადა, რომ ყოველ 10 წუთში თითო ირანელი იღუპება კორონავირუსისგან და ყოველ საათში 50 ირანელი ვირუსით ავადდება.
CNN-ის ინფორმაციით, ირანში კორონავირუსით დაღუპულია 1284 ადამიანი, ქვეყნის ჯანდაცვის უწყების ინფორმაციით, ირანში კორონავირუსის 18 407 შემთხვევაა დადასტურებული.