ესპანეთში კორონავირუსით დაავადებულთა რაოდენობა 28 572 ადამიანს შეადგენს. სამეფოს ჯანდაცვის სამინისტროს მონაცემებით, გარდაცვლილია 1720, გამოჯანმრთელდა 2575 ადამიანი. აღსანიშნავია, რომ შაბათს მსხვერპლის რაოდენობა 1326 ადამიანს შეადგენდა.
გერმანიაში გასული დღე-ღამის განმავლობაში დაინფიცირებულთა რაოდენობა 1.9 ათასით გაიზარდა, რის შედეგადაც მათი რაოდენობა 18600-მდეა. გერმანიაში კორონავირუსით გარდაცვლილია 55 ადამიანი.
დიდ ბრიტანეთში დაინფიცირებულთა რაოდენობა 240-მდე გაიზარდა. დღევანდელი მონაცემებით, გარდაიცვალა 7 პაციენტი. ეროვნული სტატისტიკური მონაცემების გამოქვეყნება მოგვიანებით იგეგმება. შაბათის მონაცემებით დაინფიცირებულთა რაოდენობა სამეფოში 5018 ადამინს აღწევდა.
ბელგიაში ვირუსით გასული დღე-ღამის განმავლობაში 586 ადამიანით გაიზარდა, რვა გარდაიცვალა. მთლიანად, ქვეყნის მასშტაბით, 3401 დაავადებულია, რომელთაგან 75 გარდაიცვალა. ქვეყნის ჯანდაცვის მინისტრი მეგი დე ბლოკი ვარაუდობს, რომ ქვეყანაში კორონავირუსთან დაკავშირებული კრიზისი სულ მცირე 8 კვირამდე გაგრძელდება.