„ევროპული საქართველოს“ ერთ-ერთი ლიდერის, გიგა ბოკერიას განცხადებით, "აირზენას" და "ვიზიარის" რეისები საქართველოს მოქალაქეებისთვის გაუქმდა და ისინი სამშობლოში დაბრუნებას ვერ ახერხებენ.

ბოკერიას თქმით, ხელისუფლების მხრიდან, საკუთარი მოქალაქეეების ამ ვითარებაში ჩაყენება, სრულიად გაუმართლებელია.

„ცოტა ხნის წინ გავრცელდა ინფორმაცია, რომ "აირზენას" რეისები, რომლითაც საქართველოს მოქალაქეები, ვინც დარჩენილები არიან ქვეყნის ფარგლებს გარეთ და ვინც უნდა დაბრუნებულიყო საქართველოში, გაუქმდა. ჩვენი მონაცემებით, იქნა მიღებული გადაწყვეტილება "ვიზიარის" რეისებზეც, რომლებიც თითქმის ყველა ქვეყანაში დაფრინავენ, რომ იმ ქვეყნების მოქალაქეები დააბრუნონ თავის საამშობლოში, საქართველოსთვის გაუქმდა. ახლა საქართველოს მოქალაქეები, ათეულობით თუ მეტი არა, არიან სრულიად გაურკვეველ მდგომარეობაში, ისინი ვერც გავლენ აეროპორტებიდან იმ ქვეყნებში, სადაც ისინი არიან. ვერ ბრუნდებიან საკუთარ სამშობლოში და ჩვენ ყველას გვაინტერესებს, რატომ არის მიღებული ეს გადაწყვეტილებები, ვინ აკორდინირებს, რა სტრატეგია აქვს მთავრობას? ჩვენი ქვეყნის მოქალაქეები ყველა ადგილიდან უნდა დაბრუნდნენ სამშობლოში, ვისაც სურს და ბუნებრივია, კარანტინში უნდა იყონ. მაგრამ ამ ვითარებაში საკუთარი მოქალაქეების ჩაყენება, სრულიად გაუმართლებელია“, - განაცხადა გიგა ბოკერიამ.