„ენერგო-პრო ჯორჯია“ - ელექტრიკოსები მუშაობენ, რომ მარნეულის საველე ჰოსპიტალს ელექტროენერგია მიეწოდოს

„ენერგო-პრო ჯორჯიას“ მარნეულის მომსახურების ცენტრის ელექტრიკოსები მუშაობენ, რომ მარნეულის საველე ჰოსპიტალს ელექტროენერგია მიეწოდოს, - ამის შესახებ „ინტერპრესნიუსს“ „ენერგო-პრო ჯორჯიაში“ განუცხადეს. მათივე ინფორმაციით, სამუშაოები კიდევ დაახლოებით 2 საათის განმავლობაში გაგრძელდება და ყველა არსებულ კარავს მიეწოდება ელექტროენერგია.

შეგახსენებთ, რომ შინაგან საქმეთა სამინისტროს საგანგებო სიტუაციების მართვის სამსახურმა მარნეულში საველე ჰოსპიტალი მოაწყო.

შინაგან საქმეთა სამინისტროს საგანგებო სიტუაციების მართვის სამსახურს, მარნეულისა და ბოლნისის მუნიციპალიტეტებში საველე ინფრასტრუქტურის მოწყობა მთავრობის უწყებათშორისი საკოორდინაციო საბჭოს გადაწყვეტილებით დაევალა.