სამწუხაროდ, მსოფლიო მასშტაბით კორონავირუსის გავრცელების ფონზე, ჩვეულებრივი გადმოსვენების პროცედურა ვეღარ მოქმედებს, - ამის შესახებ საგარეო საქმეთა სამინისტროს განცხადებაშია ნათქვამი, რითაც უწყება ესპანეთში კორონავირუსით გარდაცვლილ საქართველოს მოქალაქის სამშობლოში გადმოსვენების საკითხს გამოეხმაურა.
„ჯანდაცვის მსოფლოს ორგანიზაციას აქვს მკაცრად განსაზღვრული პროტოკოლი კორონავირუსით გარდაცვლილის დაკრძალვის, რომლის დაცვის ვალდებულებაც აქვს წევრ სახელმწიფოებს, მათ შორის ესპანეთს. საკონსულო სამსახური მუდმივად ხაზზეა გარდაცვლილის ოჯახის წევრებთან და ისინი ინფორმირებულები არიან ამის შესახებ. კიდევ ერთხელ მწუხარებას ვაცხადებთ მომხდარის გამო და ვუსმაძიმრებთ ოჯახსა და ახლობლებს. მართლაც უმძიმესი ვითარებაა. წესები გვავალდებულებს როგორც ესპანურ, ასევე ქართულ მხარეს დავემორჩილოთ ჯანმოს პროტოკოლს“, - ნათქვამია საგარეო უწყების მიერ გავრცელებულ ინფორმაციაში.