წიგნის მაღაზიათა ქსელ „ბიბლუსის“ ვებ-გვერდს სათამაშოების მაღაზიათა ქსელ „პეპელას“ და XS-ის პროუქცია დაემატა.

როგორც კომპანიაში განმარტავენ, ქვეყანაში არსებული მდგომარეობის გათვალისწინებით, „ბიბლუსის“ არტის, კრაფტისა და წიგნების მსგავსად, „პეპელას“ და XS სათამაშოების შეძენის შემთხვევაში, უფასო მიტანის სერვისი მოქმედებს.

„კორონავირუსის გავრცელების შესაჩერებლად თვითიზოლაცია საუკეთესო გამოსავალია, თუმცა პატარებისთვის ეს პროცესი საკმაოდ რთულია, როცა ისინი თანატოლებთან ერთად ყოფნასა და ეზოში თამაშს არიან მიჩვეულები. სოციალური პასუხისმგებლობიდან გამომდინარე, გადავწყვიტეთ, მთელი საქართველოს მასშტაბით, „პეპელას“და XS სათამაშოების მიტანის სერვისი უფასო გახდეს. ახალი სათამაშოები ბავშვების ყოველდღიურობას მეტ ინტერესს შესძენს და უფროსებიც ამ სტრესულ მდგომარეობას უკეთ დაძლევენ. #ითამაშესახლში - ამ ჰაშთაგით დავიწყეთ კამპანია, რომელიც მარტის თვის ბოლომდე გაგრძელდება“, - აღნიშნავენ კომპანიის ადმინისტრაციაში.

„ბიბლუსის“ ვებ-გვერდზე BiBlusi.ge უკვე წარმოდგენილია „პეპელას“და XS მაღაზიათა ქსელის სათამაშოების ფართო ასორტიმენტი სხვადასხვა საფასო და ასაკობრივი კატეგორიის მიხედვით.