გიგა ბოკერია - მე და ჩემს პოლიტიკურ გუნდს არანაირი ინტერესი არ გვაქვს, რომ ბესიკ თამლიანის გათავისუფლება პოლიტიკური დაპირისპირების ან დებატების საკითხად იქცეს

არანაირი ინტერესი მე და ჩემს პოლიტიკურ გუნდს არ გვაქვს, რომ ბესიკ თამლიანის გათავისუფლება პოლიტიკური დაპირისპირების ან დებატების საკითხად იქცეს, - ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ „ინტერპრესნიუსს“ განუცხადა, რითაც გამოეხმაურა ბესიკ თამლიანის პატიმრობიდან გათავისუფლებას. ბოკერიას განცხადებით, ყველა იმ პირის პატიმრობიდან გათავისუფლება, რომელთა საქმეებზეც პოლიტიკურ ძალებს შორის აზრთა სხვადასხვაობაა, ქვეყანას მხოლოდ წაადგება.

„ბესიკ თამლიანის გირაოთი გათავისუფლებას ძალიან დადებითად ვაფასებ. არანაირი ინტერესი მე და ჩემს პოლიტიკურ გუნდს არ გვაქვს, რომ ეს პოლიტიკური დაპირისპირების ან დებატების საკითხად იქცეს. ბესიკ თამლიანი რომ თავისუფალია, კარგია ქვეყნისთვის და ყველაფრისთვის. ყველა იმ ადამიანის პატიმრობიდან გათავისუფლება, რომელთა საქმეებზეც პოლიტიკურ ძალებს შორის მკვეთრი აზრთა სხვადასხვაობა არსებობს, მხოლოდ წაადგება ქვეყანას“, - განაცხადა ბოკერიამ.

ცნობისთვის, 20 ივნისის საქმეზე ბრალდებული ბესიკ თამლიანი თითქმის, 9-თვიანი პატიმრობის შემდეგ პენიტენციურ დაწესებულებას დღეს დატოვებს. აღნიშნულის შესახებ „ინტერპრესნიუსს“ თამლიანის ადვოკატმა ლევან იოსელიანმა განუცხადა.

როგორც იოსელიანი განმარტავს, თბილისის საქალაქო სასამართლოს მოსამართლე ალექსანდრე იაშვილმა ბესიკ თამლიანს აღკვეთის ღონისძიების სახით შეფარდებული პატიმრობა 4 000-ლარიანი გირაოს სანაცვლოდ შეუცვალა. ადვოკატის თქმითვე, აღნიშნულის მიზეზი დაცვის მხარისთვის დაცვის ეფექტური განხორციელების საშუალების მიცემაა, ვინაიდან ბესიკ თამლიანს 9-თვიანი საპატიმრო ვადა 4 აპრილს ეწურებოდა, ამ პერიოდის განავლობაში კი, დაცვის მხარე მოწმეების დაკითხვას ვერ მოასწრებდა.

თამლიანს ბრალი ედება ჯგუფურ მოქმედებაში მონაწილეობაში, რასაც თან ახლდა რბევა, ძალადობა, სხვისი ნივთის დაზიანება და განადგურება, ასევე ხელისუფლების წარმომადგენლისადმი წინააღმდეგობა და მათზე თავდასხმა. აღნიშნული ბრალი 4-დან 6 წლამდე ვადით თავისუფლების აღკვეთას ითვალისწინებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა