თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, კლინიკას დამატებით კიდევ რამდენიმე პაციენტის მიღება შეუძლია. როგორც მან ჟურნალისტებთან საუბრისას აღნიშნა, პაციენტები, რომლებსაც ლუგარის ლაბორატორიიდან კორონავირუსის ტესტზე უარყოფითი პასუხი ექნებათ, საკარანტინო ზონაში გაეწერებიან.

„გვაქვს 146 საწოლი, აქედან 50 რეანიმაციული. ამ ეტაპზე შესაძლებელია დამატებით მივიღოთ რამდენიმე პაციენტი. ასევე, ველოდებით ლუგარიდან პასუხს და ისეთი პაციენტები, რომლებთაც აქვთ ასიმპტომური კლინიკა, გაეწერებიან საკარანტინო ზონაში“, - აცხადებს რატიანი.

ცნობისთვის, ამ დროისთვის, საქართველოში კორონავირუსით დაინფიცირების 66 შემთხვევაა დაფიქსირებული, საიდანაც 9 გამოჯანმრთელებულია.