თსსუ-ს პირველ საუნივერსიტეტო კლინიკაში აცხადებენ, რომ კორონავირუსით ინფიცირებული 2 პაციენტის მდგომარეობა კრიტიკულია

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, კლინიკაში ამ ეტაპზე კორონავირუსით ინფიცირებული 12 პაციენტი გადის მკურნალობას. რატიანის შეფასებით, ორი მათგანის მდგომარეობა კრიტიკულია, თუმცა სტაბილური.

კლინიკის დირექტორის განცხადებით, დანარჩენი პაციენტების ჯანმრთელობის მდგომარეობა არის მძიმე, თუმცა მართვადი.

„ჩვენ კლინიკაში ამ ეტაპზე არის კორონავირუსის დადასტურებული 12 შემთხვევა. აქედან ორის მდგომარეობა კრიტიკულია, ისინი კრიტიკული მედიცინის დეპარტამენტში იმყოფებიან, მათი მდგომარეობა სტაბილურია, რაც გამოიხატება იმაში, რომ ვიტალურ პარამეტრებს ვინარჩუნებთ. დანარჩენი პაციენტების მდგომარეობა რჩება მძიმე, მაგრამ მართვადი“,-განაცხადა რატიანმა.

მისივე თქმით, დღეს ლუგარის ცენტრში გადაგზავნილი პასუხები,ალბათ, დილით გახდება ცნობილი.

ცნობისთვის, ამ დროისთვის საქართველოში ახალი კორონავირუსით დაინფიცირების 75 შემთხვევაა დადასტურებული, მათგან 10 უკვე გამოჯანმრთელდა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!