სომხეთში კორონავირუსი 3 ჯარისკაცს დაუდგინდა. ინფორმაციას ქვეყნის თავდაცვის სამინისტრო ავრცელებს. უწყების ცნობით, მიუხედავად მკაცრი ზომებისა, არმიაში „ვირუსის გავრცელების პრევენცია ვერ მოხერხდა“.

„დადგენილია ადამიანთა ის წრე, ვისაც ჯარისკაცებთან შეხება ჰქონდათ და ისინი კარანტინში იმყოფებიან. მნიშვნელოვანია, რომ შემდგომი გავრცელება თავიდან ავიცილოთ“,-აცხადებენ სამინისტროში.

ამასთან, ცნობილი გახდა, რომ კორონავირუსი სასწრაფო დახმარების ექიმს და მანქანის მძღოლსაც დაუდგინდათ.

ცნობისთვის, ამ დროისთვის სომხეთში 190 ინფიცირებული პაციენტია დარეგისტრირებული. ორის მდგომარეობა კრიტიკულია, მათ შორის ერთ აშშ-ის მოქალაქეა.