თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკური დირექტორის ლალი ტურძელაძის განცხადებით, სამხედრო მოსამსახურეებიდან ორს ტესტირება ჩაუტარდა. მისივე თქმით, ერთ-ერთ სამხედროს მსუბუქი პნევმონია აქვს, ხოლო მეორეს მასთან ჰქონდა კონტაქტი.
„დღეს ლუგარის ლაბორატორიიდან ეპიდემიოლოგები იყვნენ მოსული. ორ სამხედროსთან საჭიროდ ჩათვალეს ტესტის აღება. ერთ-ერთს მსუბუქი პნევმონია აქვს, ხოლო მეორეს ამასთან ჰქონდა კონტაქტი და ამიტომ ამ ორს აუღეს ტესტი. ვნახოთ, დაველოდოთ, როგორი იქნება პასუხი,“ - განაცხადა ლალი ტურძელაძემ.
შეგახსენებთ, რომ გუშინ გვიან ღამით ვაზიანის ბაზიდან თბილისის პირველ საუნივერსიტეტო კლინიკაში 5 სამხედრო მოსამსახურე გადაიყვანეს, რომელთაც გარკვეული სიმპტომები აღენიშნებოდათ.