#დარჩიკრეატიული - თბილისის საკრებულოს განათლებისა და კულტურის კომისია თავის Facebook პლატფორმას ხელოვანებსა და მათ შემოქმედებას უთმობს. ინფორმაციას ამის შესახებ თბილისის საკრებულო ავრცელებს.
„ეს ონლაინ კულტურული ჰაბი ერთი მხრივ, საზოგადოებისათვის არტ-თერაპია და მეორე მხრივ, შემოქმედი ადამიანებისთვის სოციალური დისტანცირების პირობებში ახალი შემოქმედებითი პროექტების განხორციელების მოტივაცია იქნება“,- განაცხადა განათლებისა და კულტურის კომისიის თავმჯდომარემ, პროფესორმა თამარ ტალიაშვილმა.
თბილისის საკრებულოს ინფორმაციით, ვებ-გვერდზე აიტვირთება ქართველ შემოქმედთა სახვითი ხელოვნების, ფოტოგრაფიის, მუსიკალური, დიზაინის, პროზისა და პოეზიის აუდიო-ვიზუალური ნაწარმოები, რომელიც ახალი კორონა ვირუსის Covid- 19-ის მსოფლიოში გავრცელების შედეგად შექმნილი განსაკუთრებული ვითარების პერიოდში შეიქმნა.
თბილისის საკრებულოს განათლებისა და კულტურის კომისიის ახალ აქციაში ჩართვის მიზნით, ავტორებს საკუთარი ნაწარმოებები შეუძლიათ განათლებისა და კულტურის კომისიას საკუთარ Facebook გვერდზე ასატვირთად გაუგზავნონ.