კახეთის გზატკეცილზე საგზაო მონიშვნების დახაზვა იწყება

შპს „თბილსერვის ჯგუფი“ ხვალიდან, კახეთის გზატკეცილზე საგზაო მონიშვნების დახაზვას იწყებს. ამის შესახებ „ინტერპრესნიუსს“ თბილისის მერიიდან აცნობეს.

მათივე ინფორმაციით, გზის 20-კილომეტრიან მონაკვეთზე ავტომობილების სამოძრაო ზოლები, ქვეითთა ორფეროვანი გადასასვლელები და სხვა საგზაო მონიშვნები დაიხაზება.

"საგზაო მონიშვნები მაღალი ხარისხის თერმო და ცივი პლასტის საღებავით შესრულდება. იგი ასფალტზე სულ მცირე სამი წლის განმავლობაში შენარჩუნდება. ახალი საგზაო მონიშვნები ქვეითთათვის, მათ შორის შშმ პირებისთვის და საზოგადოებრივი ტრანსპორტისთვის მაქსიმალურად კომფორტული გარემოს შექმნას ითვალისწინებს.

სამუშაოებს, რომელიც დაახლოებით, ორი კვირის განმავლობაში იწარმოებს, „თბილსერვის ჯგუფის“ თანამშრომლები ჩაატარებენ. ადგილზე მობილიზებული იქნება სპეციალური ტექნიკაც. გზის აღნიშნულ მონაკვეთზე ავტოტრანსპორტის მოძრაობა ნაწილობრივ შეიზღუდება. საზოგადოებრივი ტრანსპორტი კი შეუფერხებლად, დადგენილი სქემის მიხედვით შეძლებს გადაადგილებას,“ - ნათქვამია ინფორმაციაში.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს