იტალიაში კორონავირუსის ეპიდემიას ჯერ პიკისთვის არ მიუღწევია, - ამის შესახებ იტალიის ჯანდაცვის ეროვნული ინსტიტუტის ხელმძღვანელმა სილვიო ბუსაფერომ განაცხადა.

მისი თქმით, მართალია ბოლო დღეებში ეპიდემიის გავრცელების შენელება შეინიშნება, თუმცა ეს ჯერ არ ნიშნავს იმას, რომ ქვეყანაში ვირუსი საბოლოოდ დამარცხდა და კორონავირუსის შემთხვევები აღარ გაიზრდება.

„ჩვენ ჯერ კიდევ არ მივაღწიეთ პიკს. მიუხედავად ამისა, შეინიშნება შენელების ნიშნები ინფიცირების ახალ შემთხვევებში, რაც იმაზე მიუთითებს, რომ პიკი არც თუ ისე შორსაა“, - განაცხადა სილვიო ბრუზაფერომ.