Facebook-ის დამაარსებელი მარკ ცუკერბერგი და მისი მეუღლე კორონავირუსის წინააღმდეგ ბრძოლაში 25 მილიონ დოლარს დახარჯავენ. ამის შესახებ ცუკერბერგმა სოციალური ქსელს საკუთარ გვერდზე დაწერა.

„მე და პრისცილა 25 მილიონ დოლარს გამოვყოფთ COVID-19-ის მკურნალობის მეთოდების შექმნის დაჩქარებისთვის. ჩვენ ვთანამშრომლობთ ბილ და მელინდა გეიტსების ფონდთან და სხვა ორგანიზაციებთან, რათა, რაც შეიძლება სწრაფად გამოვავლინოთ პერსპექტიული პრეპარატები და განვსაზღვროთ, თუ რომელი მათგანი შეიძლება იყოს ეფექტური კორონავირუსის პროფილაქტიკისა და მკურნალობისთვის. იმედია, ვირუსის დასამარცხებელ პრეპარატს მალე ვიპოვით“, - წერს ცუკერბერგი.