სინგაპურის პრემიერ-მინისტრი, ლი სიან ლუნი აშშ-სა და ჩინეთს მიმართავს შეწყვიტონ ერთმანეთის დადანაშაულება კორონავირუსთან დაკავშირებით და მთელი ძალისხმევა „კაცობრიობის უდიდესი გამოწვევის“ წინააღმდეგ მიმართონ.
„ეს პრობლემას არ მოაგვარებს. თქვენ გაქვთ რესურსები, მეცნიერება, გავლენა, რბილი ძალა, გაქვთ რესურსი, რომ ეს პრობლემა დაძლიოთ. ძალიან სამწუხარო იქნება, რომ ამ რესურსს ახლა ვერ გამოიყენებთ. თუ აშშ და ჩინეთი განაგრძობენ ერთმანეთის დადანაშაულებას ამ ვირუსის გამოგონებაში და დაუშვებენ, რომ ის თავისუფლად გავრცელდეს მთელ მსოფლიოში, ეს პრობლემას ვერ მოაგვარებს“,-აღნიშნა ლუნმა.
ცნობისთვის, ვაშინგტონმა და პეკინმა ერთმანეთი ვირუსის გავრცელებაში არაერთხელ დაადანაშაულეს. დონალდ ტრამპა კორონავირუსი „ჩინურ ვირუსად“ არაერთხელ მოიხსენია და აღნიშნა, რომ ჩინეთმა ინფორმაციის დამალვით მსოფლიოს დიდი დრო დააკარგინა. საპასუხოდ, ჩინეთში განაცხადეს, რომ ვირუსი აშშ-ის სამხედროებმა შეიტანეს ქვეყანაში.