21:00 საათიდან სასურსათო მაღაზიებიც დაიხურება, ე.წ. კომენდანტის საათით შემოღებული შეზღუდვები კი სატვირთო ავტომობილებზე არ იმოქმედებს

კარანტინის ფარგლებში, 21:00 საათიდან - 06:00 საათამდე სასურსათო მაღაზიების მუშაობაც იკრძალება.

რაც შეეხება აფთიაქების მუშაობას, როგორც "ინტერპრესნიუსს" მთავრობის ადმინისტრაციაში განუცხადეს, ისინი ამ დროის განმავლობაში იმუშავებენ, მოქალაქეებს კი აფთიაქში მისვლა, მხოლოდ უკიდურესად აუცილებელი მედიკამენტის ყიდვის შემთხვევაში შეეძლებათ.

გარდა ამისა, კარანტინის ფარგლებში, სატვირთო ავტომობილებზე ე.წ. კომენდანტის საათის გამო შემოღებული საათობრივი შეზღუდვები არ იმოქმედებს.

ცნობისთვის, დღეს 08:00 საათიდან ქვეყნის მასშტაბით კარანტინი ამოქმედდა. კარანტინის ფარგლებში 21:00 საათიდან 06:00 საათამდე მოქალაქეების გადაადგილება იზღუდება. ხოლო იმ მოქალაქეების შემთხვევაში, ვისი მუშაობაც აუცილებელია, გადაადგილებას სპეციალური საშვებით შეძლებენ. მსუბუქი ავტომობილის გარდა იკრძალება ყველა ტიპის ტრანსპორტი, მათ შორის მეტროც.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს