კორონავირუსის გამო იტალიაში კარანტინი 12 აპრილამდე გახანგრძლივდა. ინფორმაციას BBC იტალიის ჯანდაცვის მინისტრის განცხადებაზე დაყრდნობით ავრცელებს. აქამდე არსებული ინფორმაციით, კარატინი 3 აპრილის ჩათვლით იყო დაწესებული, თუმცა ვირუსის გავრცელების მასშტაბიდან გამომდინარე, იტალიის ხელსუფლებამ მისი გახანგრძლივების გადაწყვეტილება მიიღო.

ცნობისთვის, ბოლო მონაცემებით, იტალიაში კორონავირუსის 101 739 შემთხვევა ფიქსირდება, ვირუსს ქვეყანაში 11 591 ადამიანი ემსხვერპლა.