ნიუ-იორკის გუბერნატორი - აუხსენით ტრამპს, რომ ეს პოლიტიკური წვრთნები არ არის, ეს ცუნამია, რომელიც მოდის

ნიუ-იორკის გუბერნატორი მედიცინის მუშაკებს დახმარებას სთხოვს. ის მოუწოდებს ექიმებს, ჩავიდნენ შტატში, რადგან ახლა ნიუ-იორკს დახმარება ყველაზე მეტად სჭირდება.

„გთხოვთ, მოდით, დაგვეხმარეთ ახლა ნიუ-იორკში. თქვენ ხედავთ როგორ ვრცელდება ვირუსი მთელ შტატში, ხედავთ როგორ ვრცელდება მთელ სახელმწიფოში. არც ერთი ამერიკელი არ არის დაცული ამ ვირუსისგან. უდიდესი დანაკარგი გვაქვს, უდიდესი ტკივილი და ცრემლები“,-განაცხადა ენდრიუ კუომომ.

კუომომ ქვეყნის პრეზიდენტი, დონალდ ტრამპიც გააკრიტიკა და განაცხადა, რომ მას უნდა აუხსნან, რომ პოლიტიკური წვრთნები არ მიმდინარეობს.

„მეცნიერები, პროფესიონალები უნდა ადგნენ, თვალებში ჩახედონ პრეზიდენტს და აუხსნან, რომ ეს პოლიტიკური წვრთნები არ არის. ეს არც პრესასთან ურთიერთობის საკითხებია. ეს ცუნამია, რომელიც მოდის“,-დასძინა კუომომ.

ცნობისთვის, აშშ-ში კორონავირუსის დადასტურებულმა შემთხვევებმა 164 000- გადააჭარბა. ვირუსით ყველაზე მეტი ინფიცირებული და გარდაცვლილი ნიუ-იორკშია.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია