ახალი კორონავირუსით დაინფიცირების შედეგად, იტალიაში, ბოლო 24 საათის განმავლობაში, 837 ადამიანი გარდაიცვალა და მთლიანობაში დაღუპულთა რიცხვი 12 428-მდე გაიზარდა. ახალი სტატისტიკური მონაცემები worldometers-ზეა გამოქვეყნებული.

ამავე ინფორმაციით, დაინფიცირების ახალი შემთხვევები 4 053-ით გაიზარდა და მთლიანობაში 105 792 შეადგინა.

იტალიაში გამოჯანმრთელებულთა რაოდენობა 15 729 ადამიანს აღწევს.

იტალია მსოფლიოში კორონავირუსით სიკვდილიანობის მაჩვენებლით პირველ ადგილზეა. ყველაზე მეტი დაინფიცირებული კი აშშ-ს ჰყავს.