პედიატრიული ქირურგიის ცენტრ “კიდკოს” ინიციატივით შეიქმნა ჯგუფი სოციალურ ქსელში (KidCo-Vid ვიზრუნოთ ბავშვებზე ეპიდემიისას), სადაც მშობლებს/მეურვეებს მიეწოდებათ ინფორმაცია და ასევე საშუალებები, რომ ერთი მხრივ იზოლაციაში მყოფი ბავშვების უსაფრთხოებაზე ვიზრუნოთ და მეორე მხრივ ხელი შევუწყოთ მათ გონებრივ და ფიზიკურ განვითარებას, და ხალისისა და გართობის შესაძლებლობებიც შევთავაზოთ.

კომპანია მოუწოდებს ამ თემით დაინტერსებულ ადამიანებს, პროფესიონალებს, რომ გაწევრიანდნენ და თავიანთი წვლილი შეიტანონ ამაში.

ჯგუფში უკვე დაგეგმილია:

• პროფილური ექიმების „ცოცხალი ჩართვები“, როგორც უსაფრთხოების ნორმებზე, ისე ფსიქოლოგიურ მხარდაჭერაზე, სწორ კვებასა და ცხოვრების რეჟიმზე;
• ცალკე განსაკუთრებული აქცენტი გაკეთდება ქრონიკული და რისკის მქონე ჯგუფის ბავშვებზე ზრუნვასთან დაკავშირებული პირობების დაცვაზე;
• ასევე დაგეგმილია სხვა კომპანიებთან თანამშრომლობა, რომლებიც ბავშვებისთვის საჭირო პროდუქტებს ქმნიან (წიგნები, სათამაშოები, სპორტული ინვენტარი) და ჯგუფი დისტანციურ რეჟიმში მათთვის ხელმისაწვდომს გახდის და სხვ.

ჯგუფის ადმინისტრაცია მზად არის, მიიღოს რეკომენდაციები, შენიშვნები ჯგუფის ნაყოფიერების გასაზრდელად და უფრო ეფექტური მუშაობისთვის.

პედიატრიული ქირურგიის ცენტრი „კიდკო“ გასულ წელს შეიქმნა და „სინერჯი კაპიტალის“ პორტფელური კომპანიაა.

აღნიშნულ ინფორმაციას "სინერჯი კაპიტალი" ავრცელებს.