დავით ნარმანია - ვისაც საშუალება აქვს და სოციალური პასუხისმგებლობიდან გამომდინარე, განაცხადებს უარს სახელმწიფო მხარდაჭერაზე, შეეძლება, თავად გადაიხადოს კომუნალური გადასახადი, რითაც დაიზოგება საბიუჯეტო სახსრები

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარის დავით ნარმანიას განცხადებით, მოქალაქეებს სურვილის შემთხვევაში, შესაძლებლობა ექნებათ, რომ თავად დაფარონ კომუნალური გადასახადები და სახელმწიფოს დაფინანსებით არ ისარგებლონ. ამის შესახებ დავით ნარმანიამ „პალიტრანიუსის“ გადაცემა „საღამოს ნიუსრუმში“ განაცხადა.

როგორც ნარმანიამ განმარტა, პარამეტრები - 200 კილოვატი ელექტროენერგია და 200 მ3 ბუნებრივი აირი იმის გათვალისწინებით შეირჩა, თუ საშუალოდ რამდენს მოიხმარენ იმ კატეგორიის ოჯახები, რომელთაც ახლა, შესაძლოა, კომუნალური გადასახადების გადახდის კუთხით პრობლემა შექმნოდათ.

„ესაა საშუალო ტიპური ოჯახები, რომელთაც არ აქვთ დიდი სახლები, გათბობის ისეთი სისტემები, რომლებიც დიდ ფართს ათბობს. ესაა ისეთი კატეგორიის ოჯახები, რომელთაც რეალურად ამ პირობებში ასეთი ტიპის მხარდაჭერა სჭირდება. თუმცა, შესაძლოა, აქ იყოს ისეთი ტიპის ოჯახები, რომელებიც ამ დახმარებას არ საჭიროებენ, რომელთაც არ დაუკარგავს სამსახური და მიუხედავად ყველაფრის აქვთ შემოსავალი. რა თქმა უნდა ასეთი კატეგორიის ოჯახებიც მოხვდნენ ამაში, თუმცა იქნება შესაძლებლობა, რომ ის ვისაც ამისი საშუალება აქვს და მაღალი სოციალური პასუხისმგებლობიდან გამომდინარე, თავად განაცხადებს უარს სახელმწიფო მხარდაჭერაზე, მას შეეძლება რომ თავად გადაიხადოს თანხა კომუნალურ კომპანიებში და ამით დაიზოგება ის საბიუჯეტო სახსრები, რომელიც შესაძლოა, მთავრობამ სხვა არანაკლებ პრიორიტეტული მიმართულებების დაფინანსებაზე მიმართოს“,-აღნიშნა ნარმანიამ.

შეგახსენებთ, რომ მთავრობის გადაწყვეტილებით, მოქალაქეებს, რომლებიც 200 კილოვატზე ნაკლებ ელექტროენერგიას და 200 მ3-ზე ნაკლებ ბუნებრივ აირს მოიხმარენ, მარტში, აპრილსა და მაისში კომუნალური გადასახადი სრულად დაუფინანსდებათ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს