რესპუბლიკური საავადმყოფოს დირექტორის ინფორმაციით, მათ კლინიკაში მყოფი კორონავირუსით ინფიცირებული სამი პირის მდგომარეობა მძიმე არ არის

თბილისის რესპუბლიკურ საავადმყოფოში კორონავირუსით ინფიცირებული სამი პაციენტის მდგომარეობა დამაკმაყოფილებელია. როგორც კლინიკის დირექტორმა ლევან გოფოძემ ჟურნალისტებს განუცხადა, მათი მდგომარეობა საგანგაშო არ არის, ისინი არ საჭიროებენ მართვით სუნთქვაზე გადაყვანას და მძიმე ფორმით მიმდინარე კოვიდინფექცია არ აღენიშნებათ.

„რესპუბლიკურ საავადმყოფოში, დაკვირვების ქვეშ ამჟამად, 45 პაციენტია. გუშინდელი ტესტირების შემდეგ სამ პაციენტს COVID19-ზე დადებითი გამოუვლინდა. ეს პაციენტები ცალკე, იზოლირებულად არიან მოთავსებული, მიმდინარეობს მკურნალობა. უნდა აღვნიშნო, რომ ეს დაავადება ამ პაციენტებიდან არცერთს არ აქვს მძიმე ფორმით გამოვლენილი, მათი მკურნალობა პროტოკოლის მიხედვით მიმდინარეობს, ეძლევათ ჟანგბადი და სხვა ყველაფერი ის, რაც ასეთი შემთხვევისთვისაა გათვალისწინებული. თუმცა შესაძლოა, მათი გადაყვანა მოხდეს პირველ საუნივერსტიტეტო კლინიკაში. ჯერ ეს ჯანდაცვის სამინისტროსთან თანხმდება.

მათი ისტორია შესწავლილია, ეს არ არის ე.წ. მეოთხეული გადაცემის შემთხვევა, როდესაც არ ვიცით საიდან დასნებოვნდა ადამიანი. დეტალურად ვერ მოგახსენებთ, რადგან პაციენტების უფლებების დაცვის კანონი ამას გვიკრძალავს, რომ მოგახსენოთ მათი სახელი, გვარი“- განაცხადა გოფოძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა