ჩეხეთის პრეზიდენტის მილოშ ზემანის განცხადებით, კორონავირუსმა ცხადყო, რომ ევროკავშირს შეთანხმებული მოქმედების შესაძლებლობა არ აქვს. ამის შესახებ ქვეყნის პრეზიდენტმა ადგილობრივ მედიას განუცხადა.
„პანდემია დაასუსტებს ევროკავშირს. მან ცხადყო ევროკავშირის კოორდინაციულად მოქმედების უუნარობა“, - განაცხადა ზემანმა.
მისი თქმით, ევროკავშირის მმართველმა ორგანოებმა უკიდურესად გვიან მოახდინეს რეაგირება კორონავირუსის საფრთხეზე. პანდემიის პერიოდში სახელმწიფოს შემადგენელი საზოგადოება ეფექტური აღმოჩნდა. მისივე თქმით, ეროვნული სახელმწიფოების დონეზე მიღებული იყო პრინციპული გადაწყვეტილებები მკაცრი შემზღუდავი ზომების შემოღებით, მათ შორის, საზღვრების დახურვა.
„სამწუხაროდ, ევროკავშირს არ აქვს, მაგალითად, არავითარი გეგმა პანდემიასთან საბრძოლველად. საჭიროა, მისი შექმნა“, - განაცხადა მილოშ ზემანმა.