ტექნიკური უნივერსიტეტი სტუდენტებს ელექტრონულ პორტალზე Zoom-ით სარგებლობის განახლებულ ინსტრუქციას სთავაზობს

საქართველოს ტექნიკური უნივერსიტეტი სტუდენტებს Zoom-ის სალექციო ოთახში შესვლისა და ლექციაზე დასწრების განახლებულ ვიდეოინსტრუქციას სთავაზობს, - ამის შესახებ „ინტერპრესნიუსს“ საქართველოს ტექნიკური უნივერსიტეტიდან აცნობეს.

მათივე ცნობით, განახლებული ვიდეოინსტრუქციის შემუშავება განპირობებულია იმით, რომ ვიდეოკონფერენციების აპლიკაციის კომპანია Zoom-მა, უსაფრთხოების სისტემის გაძლიერების მიზნით, ვირტუალურ სალექციო ოთახში შესვლის წესები შეცვალა. „Zoom-ის სისტემაში უსაფრთხოების კუთხით შექმნილი პრობლემის გამო, ბოლო რამდენიმე დღეა Zoom-ის აპლიკაციით სარგებლობა მსოფლიოს მასშტაბით 200 მლნ მომხმარებელმა ვერ შეძლო.

გარდა ამისა, დაფიქსირდა ე.წ. zoombombing-ის მრავალი შემთხვევაც. აღნიშნული პროცესების გამო, ფუნქციონირებაში შეფერხება შეექმნა საქართველოს ტექნიკური უნივერსიტეტის ელექტრონული სწავლების პლატფორმასაც www.elearning.gtu.ge, რომელიც ელექტრონული სწავლების პროცესში, BBB-ის აპლიკაციასთან ერთად, Zoom-ის აპლიკაციასაც იყენებს. საუნივერსიტეტო ელექტრონულ პლატფორმაზე ორი დღის განმავლობაში შეუძლებელი გახდა Zoom-აპლიკაციის მეშვეობით ონლაინ ლექციებში სტუდენტების ჩართვა“, - ნათქვამია ინფორმაციაში.

ცნობისთვის, Zoom-ის სალექციო ოთახში შესვლისა და ლექციაზე დასწრების განახლებული ვიდეოინსტრუქცია განთავსებულია საქართველოს ტექნიკური უნივერსიტეტის ოფიციალურ ვებგვერდზე www.gtu.ge, ელექტრონული სწავლების საუნივერსიტეტო პლატფორმაზე www.elearning.gtu.ge და youtube-ის საუნივერსიტეტო პლატფორმაზე.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს