ფოთში, გორგასლის ქუჩაზე სამართალდამცავებმა ნასვამ მდგომარეობაში მყოფი ახალგაზრდა მამაკაცი დააკავეს. არსებული ინფორმაციით, მისი დაკავება მაშინ მოხდა, როცა სახელმწიფოს კუთვნილ ავტომანქანას ძარცვავდა.

საქართველოს შინაგან საქმეთა სამინისტრომ გამოძიება ქურდობის ფაქტზე სსკ-ის 177-ე მუხლის მე-3 ნაწილით დაიწყო, რაც თავისუფლების აღკვეთას 4-დან 7 წლამდე ითვალისწინებს.