ზუგდიდის ინფექციურ საავადმყოფოში მოთავსებულ სასწრაფო სამედიცინო დახმარების მედდას, რომელიც კლინიკაში ცხელებით შეიყვანეს, კორონავირუსი არ დაუდასტურდა. აღნიშნულის შესახებ "ინტერპრესნიუსს" ზუგდიდის ინფექციური საავადმყოფოს საზოგადოებასთან ურთიერთობის სამსახურის ხელმძღვანელმა მალხაზ ბასილაიამ განუცხადა.

"სასწრაფო სამედიცინო დახმარების მედდას, რომელსაც საეჭვო სიმპტომები ჰქონდა, კორონავირუსი არ დაუდასტურდა. ამის შესახებ პასუხი ლუგარის ლაბორატორიიდან რამდენიმე წუთის წინ მივიღეთ.

რაც შეეხება 50 წლამდე პაციენტს, მას სამ დღეში მესამედაც ჩაუტარდება გამოჯანმრთელებაზე ტესტირება. ეს პერიოდი ის კვლავ ინფექციურ საავადმყოფოში დარჩება", - განაცხადა ბასილაიამ.