ისრაელი ტურიზმის განახლებას აპირებს. ასეთი გადაწყვეტილება მთავრობის მეთაურის ბენიამინ ნეთანიაჰუს თავმჯდომარეობით გამართულ სხდომაზე მიიღეს.
ისრაელის ხელისუფლების გადაწყვეტილებით, 3 მაისიდან ქვეყანა კვლავაც დაიწყებს სტუმრების მიღებას ისეთ დაწესებულებებში, როგორებიცაა მცირე კოტეჯები და სასტუმროები, რომლებსაც ცალკე შესასვლელიანი ნომრები გააჩნია.
მთავრობის გადაწყვეტილებით, უახლოეს დღეებში ისრაელის ჯანდაცვის სამინისტროსთან ერთად შემუშავდება სპეციალური სტანდარტი - „იისფერი ნიშანი“, რომელიც დაადასტურებს სასტუმროს ექსპლუატაციის შესაძლებლობას პანდემიის პერიოდში.
მთავრობის განცხადებით, შემდგომი ნაბიჯები ტურისტულ სფეროში მოღვაწეობასთან დაკაშირებით, დამოკიდებული იქნება ქვეყანაში არსებულ ეპიდემიოლოგიურ ვითარებაზე.
არსებული მონაცემებით, ისრაელში კორონავირუსით 202 ადამიანი გარდაიცვალა, 6796 ადამიანი გამოჯანმრთელდა, მთლიანობაში კი კორონავირუსი 15 466 ადამიანს დაუდასტურდა.