ფოთიდან ლუგარის ლაბორატორიაში 25 პირის ბიოლოგიური მასალა გაიგზავნა. საზოგადოებრივი ჯანდაცვის ცენტრის ინფორმაციით,გამოსაკვლევი პირების უმრავლესობა სასწრაფო-სამედიცინო სამსახურის თანამშრომლები არიან. კვლევის შედეგები ხვალ გახდება ცნობილი.

„ლუგარის ლაბორატორიაში 25 ადამიანის ანალიზი გავგზავნეთ. აქედან ორი "ცხელების კლინიკის" პაციენტია, ერთი ჰოსპიტალის თანამშრომელი, დანარჩენები კი სასწრაფო სამედიცინო სამსახურის. პასუხები სავარაუდოდ, ხვალ იქნება.

ამ დროის მონაცემებით, კარანტინი ერთ ადამიანს მოეხსნა და დარჩა ორი, რომლებსაც ხვალ ეწურებათ ამ რეჟიმის ვადა. თვითიზოლაციაში ისევ 56 მძღოლი რჩება“, - განაცხადა საზოგადოებრივი ჯანდაცვის ცენტრის დირექტორის მოადგილემ, ზინაიდა გაგუამ.