ქუთაისის ლაბორატორიაში კორონავირუსზე 207 ანალიზი გამოიკვლიეს და ყველა პასუხი უარყოფითია. დაავადებათა კონტროლის იმერეთის სამმართველოს უფროსის გოჩა გიორგიძის განაცხადებით, ანალიზები იმერეთისა და რაჭის რეგიონებიდან იყო გაგზავნილი, მათ შორის 20 მედპერსონალია. ანალიზებს შორის ექვსი წყალტუბოში დაინფიცირებული დასუფთავების სამსახურის თანამშრომლის კონტაქტებია.

ამ დროისთვის წყალტუბოში თვითიზოლაციაში 20-მდე პირი იმყოფება, კარანტინში კი 12 ადამიანი.