მამუკა მდინარაძე - საზოგადოებას უკუღმა აწვდიან გზავნილს, ოპოზიციას უნდა პოლიტპატიმარი დაარქვას ადამიანს, რომელმაც მაგალითად, 48 მლნ ლარი მოიპარა ბიუჯეტიდან და პარტიას მოახმარა

„ჩვენ გავიარეთ ყველა სიტყვა, ყველა პუნქტი, რეგლამენტში, კონსტიტუციაში, ოპოზიციასთან და შევთანხმდით, რომ სულ რამდენიმე დღეც კი შესაძლოა საკმარისი გავხადოთ რათა საკონსტიტუციო ცვლილებები მოვასწროთ და შეთანხმება შედგეს, რომელიც არის - 120\30-ზე და ამ გადაწყვეტილებას არანაირი საფრთხე არ ემუქრება. ჩვენ მოწოდებულები ვართ, ამაზე შეთანხმება არსებობს, არის ამაზე ხელმოწერა და ეს შესაძლებელია ძალიან მოკლე დროში“, - აღნიშნულის შესახებ პარლამენტის თავმჯდომარის მოადგილემ, მამუკა მდინარაძემ ტვ „იმედის“ ეთერში განაცხადა.

მისი თქმით, შეთანხმება იყო ორნაწილიანი, აქედან ერთი ნაწილი შეეხებოდა 120/30-ზე მანდატების რაოდენობას, რომელსაც არანაირი პრობლემა არ ემუქრება ხოლო, მეორე ნაწილი ეხებოდა იმას, რომ პოლიტიკა არ უნდა ჩაერიოს მართლმსაჯულებაში.

„ საზოგადოებას უკუღმა აწვდიან გზავნილს. ოპოზიციას უნდა პოლიტპატიმარი დაარქვას ადამიანს, რომელმაც მაგალითად, 48 მლნ ლარი მოიპარა ბიუჯეტიდან და თავის პარტიას მოახმარა და ამაში უნდა ჩაერიოს პოლიტიკა, პოლიტიკოსები, მმართველი გუნდი და ეს იყო თითქოს შეთანხმება. შეთანხმების ორივე ნაწილი გაწერილია. მსოფლიოში არ არსებობს პასუხისმგებლიანი ძალა, არც უცხოელი პარტნიორი, რომელიც ასე პირდაპირ იტყვის, რომ თქვენ ჩაერიეთ სასამართლოს, პრეზიდენტის, სამართალდამცავი უწყებების კომპეტენციაში. ბუნებრივია, ჩვენ გადაწყვეტილებებში ჩარევას არ ვაპირებთ. ჩვენ ყველაფერს ვაკეთებთ იმისთვის, რომ სისტემა დარჩეს ქვეყანაში ისეთი, რომ ვერც ერთმა ხელისუფლებამ ვერ შეძლოს მომავალში მართლმსაჯულების სისტემაში ჩარევა“, - განაცხადა მამუკა მდინარაძემ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია