საგანგებო სიტუაციების მართვის სამსახურს შპს „ელ+“-სგან საჩუქრად 300 ერთეული ქართული წარმოების, 6 კგ-იანი ცეცხლმაქრი გადაეცა. ამის შესახებ „ინტერპრესნიუსს“ საგანგებო სიტუაციების მართვის სამსახურიდან აცნობეს. მათივე ინფორმაციით, ცეცხლმაქრები მაღალი ხარისხით გამოირჩევა და ევროპული სტანდარტების შესაბამისად მზადდება.
„ცეცხლმაქრების გადაცემის ღონისძიება საგანგებო სიტუაციების მართვის სამსახურში გაიმართა. კომპანია „ელ+’’ის წარმომადგენლებს სამსახურის უფროსის მოადგილე ლევან ღირსიაშვილი და სახანძრო - სამაშველო ძალების დეპარტამენტის უფროსი დავით სუხიშვილი შეხვდენ და საქართველოში წარმოებული ხანძარსაწინააღმდეგო საშუალებების შესახებ დეტალური ინფორმაცია მიიღეს.
„ელ+“ ევრო ნორმებისა და სტანდარტების სრული დაცვით აწარმოებს სხვადასხვა ტიპის სახანძრო ინვენტარს, მათ შორის: ცეცხლმაქრებს, სახანძრო კარს, სახანძრო კარადებს და ა.შ. კომპანიის ქარხანა პროექტის „აწარმოე საქართველოში“ ფარგლებში შეიქმნა“, - აღნიშნულია ინფორმაციაში.