„თავისუფალი საქართველო“ - მივესალმით Facebook-ის გადაწყვეტილებას, „ქართულ ოცნებასა“ და „ნაცმოძრაობასთან“ დაკავშირებული იმ ანგარიშების გაუქმების შესახებ, რომლებიც სიძულვილსა და შუღლს აღვივებენ

პარტია „თავისუფალი საქართველო“ მიესალმება Facebook-ის ადმინისტრაციის გადაწყვეტილებას, „ქართულ ოცნებასა“ და „ნაციონალურ მოძრაობასთან“ დაკავშირებული იმ ანგარიშების გაუქმების შესახებ, რომლებიც ქვეყანაში სიძულვილსა და შუღლს აღვივებენ, - ამის შესახებ ნათქვამია პარტიის განცხადებაში.

„თავისუფალი საქართველოს“ განცხადებით, აღსანიშნავია, რომ „ქართული ოცნების“ შემთხვევაში, ეს უკვე მეორე მასშტაბური დაბლოკვაა.

მათივე ინფორმაციით, საერთო დაანგარიშებით, მმართველი პარტიის სალაროდან ამ მიმართულებით, ყოველწლიურად მინიმუმ 1 მილიონი დოლარი იხარჯება.

ამასთანავე, როგორც „თავისუფალ საქართველოში“ განმარტავენ, ამავე სისტემაში ჩართულია, პრაქტიკულად, მთელი საჯარო სამსახური, რომელსაც მმართველი პარტიის პრეს-სამსახური ყოველდღიურად უგზავნის, როგორც სარეკლამო, ასევე სიძულვილის შემცველ მესიჯებს და ავალდებულებს მათ ყოველდღიურ რეჟიმში გაავრცელონ ხელისუფლებისთვის სასურველი მესიჯები.

„ხშირ შემთხვევაში, „ქართული ოცნების“ ჩვენს მიერ იდენტიფიცირებული წევრები და საჯარო მოსამსახურეები ეწევიან ცალკეული პოლიტიკოსების ბულინგს (მათ შორის: სექსუალური შინაარსის), რაც მათი ოჯახის არასრულწლოვანი წევრების მიმართაც ხორციელდება.

სრული პასუხისმგებლობითა და დარწმუნებით ვაცხადებთ, რომ ყოველივე ეს ხორციელდება „ქართულ ოცნებასთან“ დაკავშირებული ცალკეული პირებისა და ჯგუფების მიერ და რომ ამ პროცესს ორგანიზებას უწევს უშუალოდ მმართველი პარტიის პოლიტიკური ხელმძღვანელობა.

„თავისუფალი საქართველო“ მიიჩნევს, რომ კონკრეტულ შემთხვევებში უნდა დადგეს შესაბამისი პირების სისხლის სამართლის პასუხისმგებლობის საკითხი, ხოლო საერთაშორისო ორგანიზაციებსა და მათ შორის, Facebook-ის ადმინისტრაციას, მივაწვდით ჩვენს მიერ იდენტიფიცირებულ საჯარო მოსამსახურეებს/მმართველი პარტიის წევრებს, რომლებიც ზემოაღნიშნულ საქმიანობას ეწევიან, რაც ერთი მხრივ, ხელს უწყობს ქვეყანაში პოლიტიკური ვითარების დაძაბვას, ხოლო მეორე მხრივ, ძალიან შორს დგას მორალისა და ეთიკის ელემენტარული სტანდარტებისგანაც კი,“- ნათქვამია პარტია „თავისუფალი საქართველოს“ განცხადებაში.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)